XƏBƏR LENTİ

20 Oktyabr 2020
19 Oktyabr 2020

Digər Xəbərlər

29 Mart 2016 - 18:25

Nazirlikdə işçi qrupu yaradıldı, fərmanın icrasına başlandı –Açıqlama

dsmf-loqo

Prezident İlham Əliyevin “Əhalinin sosial müdafiəsi sahəsində idarəetmənin təkmilləşdirilməsi tədbirləri haqqında” 18 mart 2016-cı il tarixli Fərmanına əsasən, Dövlət Sosial Müdafiə Fondunun Əmək və Əhalinin Sosial Müdafiəsi Nazirliyinin strukturuna daxil edilməsi ölkəmizdə əhalinin sosial müdafiə sahəsində vahid dövlət siyasətinin və səmərəli idarəetmənin həyata keçirilməsinə yönəlib.

Bu barədə Strateq.az-a nazirliyin Ictimaiyyətlə əlaqələr şöbəsinin müdiri Elman Babayev deyib.

O vurğulayıb ki, bu islahat həmçinin əhalinin sosial tələbatlarının ödənilməsində müasir informasiya texnologiyalarının tətbiqi şəraitində kompleks yanaşmanın gerçəkləşdirilməsinə, o cümlədən əmək pensiyaları və digər sosial ödənişlərin təyinatının “bir pəncərə” prinsipi üzrə təşkilinə əsaslı təminat yaradır.

“Fərmanın icrası ilə əlaqədar Əmək və Əhalinin Sosial Müdafiəsi Nazirliyi üzrə müvafiq Əmr əsasında İşçi Qrup yaradılıb. İşçi Qrup tərəfindən Fərmanın birinci hissəsi, yəni Dövlət Sosial Müdafiə Fondunun Əmək və Əhalinin Sosial Müdafiəsi Nazirliyinin strukturuna daxil edilməsi nəzərə alınmaqla, Nazirliyin strukturunun və fəaliyyətinin optimallaşdırılması, habelə işçilərinin ümumi say həddi barədə təkliflər hazırlanır. Təkliflər Fərmanın imzalandığı tarixdən bir ay müddətində hazırlanaraq dövlət başçısına təqdim olunacaq”– deyə şöbə müdiri bildirib.

E.Babayev bildirib ki, eyni zamanda, Fondun Nazirliyin strukturuna daxil edilməsi ilə bağlı digər bir sıra cari təşkilati və texniki məsələlərin həlli yönündə işlər aparılır: “Azərbaycan Prezidentinin qeyd edilən Fərmanının icrası istiqamətində görülən işlər barədə ictimaiyyətə mütəmadi olaraq məlumatların verilməsi təmin olunacaq”.