XƏBƏR LENTİ

10 Mart 2021

Digər Xəbərlər

09 Dekabr 2020 - 18:55

Rusiyanın Azərbaycandan pomidor və alma idxalına qoyduğu qadağa araşdırılır- AQTA

Azərbaycan Qida Təhlükəsizliyi Agentliyi (AQTA) hazırda Rusiyanın Azərbaycandan pomidor və alma idxalına qoyulmuş qadağa ilə bağlı məsələni araşdırır.

Bunu Trend-ə AQTA-dan bildiriblər.

Qeyd olunub ki araşdırmanın nəticəsi ilə bağlı yaxın zamanlarda ətraflı məlumat veriləcək.

Xatırladaq ki, Rusiyanın Baytarlıq və Fitosanitar Nəzarət Xidməti Azərbaycandan dekabrın 10-dan başlayaraq pomidor və alma idxalına qadağa qoyulması barədə qərar qəbul edib.

Qərarda bildirilir ki, idxal olunan məhsullarda dəfələrlə zərərli orqanizmlər aşkar edilib və bu barədə Azərbaycan Qida Təhlükəsizliyi Agentliyinə məlumat verilib. Bu baxımdan, fitosanitar rifahı qorumaq, bu zərərvericilərin Rusiya Federasiyası ərazisinə gətirilməsinin və yayılmasının qarşısını almaq üçün Rusiya Baytarlıq və Fitosanitar Nəzarət Xidməti 10 dekabr 2020-ci ildən etibarən Azərbaycan istehsalı olan pomidor və almaların Rusiyaya idxalını qadağan etmək məcburiyyətində qalıb”.