XƏBƏR LENTİ

10 Mart 2021

Digər Xəbərlər

30 Yanvar 2021 - 11:01

Karantin rejiminin yumşaldılması ilə Bakıda kirayə mənzillərin qiyməti qalxacaq?- Ekspert rəyi

Azərbaycanda karantin rejiminin mərhələli şəkildə yumşaldılması, bir sıra sahələrin fəaliyyətinə icazə verilməsi ölkə üzrə iqtisadi fəallığı artıracaq. İqtisadi fəallığın artmasının müxtəlif sahələrdə məhsul və xidmətlərin qiymətinə necə təsir edəcəyi müzakirə mövzusudur.

Əmlak məsələləri üzrə ekspert Nüsrət İbrahimov Trend-ə açıqlamasında karantin rejiminin yumşaldılmasının kirayə mənzil bazarında qiymətlərə təsirindən danışıb. Onun sözlərinə görə, hazırkı yumşalmalar nəticəsində Bakıda kirayə mənzil bazarında aktivliyin artacağını söyləmək doğru olmaz.

Onun sözlərinə görə, hələ ki, yumşalmaların kirayə mənzil bazarına təsiri hiss olunmur. Ekspert vurğulayıb ki, kirayə mənzil bazarında əsas tələb portfelini formalaşdıran tələbələr, iş üçün Bakıya gələnlər və turistlərdir:

“Hələ ki, bu istiqamətlərdə yumşalmalar olmadığına görə, kirayə mənzil bazarında qiymətlərə təsirdən danəşmaq tezdir”.