XƏBƏR LENTİ

26 May 2020
25 May 2020

Digər Xəbərlər

30 Avqust 2016 - 14:08

Rusiya prezidentinin orden verdiyi lənkəranlı veteran 92 yaşında vəfat etdi

veteran lenkeran

Böyük Vətən müharibəsinin veteranı, Azərbaycan Respublikası prezidentinin fərdi təqaüdçüsü Ağadadaş Əbülqasım oğlu Səmədov 92 yaşında yaşadığı Lənkəran rayonunun Vilvan kəndində vəfat edib. 

Mərhum kənd qəbirstanlığında ehtiramla dəfn olunub.

Qeyd edək ki, A.Səmədov 1924-cü ilin mart ayının 10-da  anadan olub. O, 1942-ci ildə Lənkəran subtropik bitkiçilik texnikumunu bitirib. Elə həmin ilin oktyabırın 26-da müharibəyə yollanan A.Səmədov 77-ci Azərbaycan diviziyasının 105-ci taborunun tərkibində Mozdokdan Berlinə qədər döyüş yolu keçib. O, müharibədə böyük şücaət göstərib. Dəfələrlə ölümlə üz-üzə gəlib. Qəhərmanlığına görə 2 dəfə 3-cü və 2-ci dərəcəli Şöhrət ordenləri ilə təltif olunub. Lakin onun bu mükafatlandırma haqqında dəqiq məlumatı olmayıb. 1945-ci ilin dekabrında doğma kəndinə qayıdıb və 1980-cı ildə təqaüdə çıxana kimi aqronom vəzifəsində çalışıb. 2008-ci ilin iyulunda Rusiya prezidenti D.Medvedyev Azərbaycana rəsmi səfəri zamanı II və III dərəcəli "Şöhrət" ordenini A.Səmədova şəxsən təqdim edib. Bu mükafat veterana hələ müharibə vaxtı verilib. Lakin o, həlak olmuş sayıldığından ordeni ala bilməyib. (APA)

Ağadadaş Səmədov Rusiya prezidenti Dmitri Medvedyev tərəfindən 2009-cu ildə faşizm üzərində qələbənin 64-cü ildönümü münasibətilə Moskvada keçirilən yubiley tədbirində iştirak etmək üçün dəvət olunan yeganə Azərbaycan vətəndaşıdır.

II və III dərəcəli "Şöhrət" ordenlərindən başqa, A.Səmədov I dərəcəli Vətən Müharibəsi ordeni, 10-dan çox medal və fəxri nişanlarla təltif edilib.

13 oğul və qız atası, 100-dən şox nəticə sahibi olub.

Allah rəhmət eləsin.