XƏBƏR LENTİ

19 Sentyabr 2020
18 Sentyabr 2020

Digər Xəbərlər

12 Dekabr 2016 - 09:55

Palmiranın süqutu:“Suriya ordusu şəhəri geri qaytarmaq üçün əlindən gələni edir” – Təhlil

pal

Maksim Solopov

Gazeta.ru, 11.12.2016

 

İŞİD Palmiranın böyük hissəsini ələ keçirib. 4 minə yaxın yaraqlı ikinci cəhdlə şimaldan şəhərə daxil olub və hakim yüksəklikləri tutub. Suriya ordusu cənub rayonlara cəkilib.

Suriya hökluməti məlumatı artıq təsdiq edib. Reuters Suriyanın Əl-İxbariyyə telekanalına isnadən bildirib ki, Palmiranın yerləşdiyi Xoms əyalətinin qubernatoru Tələl Bərazi İŞİDin şəhəri ələ keçirdiyini təsdiq edib, Suriya ordusu isə cənuba sarı çəkilib. Bərazi bildirib: “Terrorçuların şəhəri əldə saxlamaması üçün ordu əlindən gələni edir”.

Yerdəki vəziyyətlə tanış olan qaynağa istinad edən RİA Novosti xəbər verir ki, Suriya ordusu İŞİD-in ikinci hücumundan sonra Palmiranı tərk edib. Agentliyin həmsöhbəti deyib: “Keçən gecə bütün sakinlər köçürüldükdən sonra Suriya ordusu Palmira şəhərindən tamamilə çıxıb. Şəhərin qıraqlarında İŞİD yaraqlılaırı ilə amansız döyüşlər gedir”.

Əl-Ərəbiyyə telekanalı bazar günü xəbər verib ki, İŞİD yaraqlıları Palmira üzərindəki qədim qalalı yüksəkliyi ələ keçirə və şəhər aeroportunu qismən bağlaya bilib.

Rusiyanın Suriyadakı tərəfləri barışdırma Mərkəzi xəbər verir ki, bazar günü İŞİD-in 4 mindən çox döyüşçüsü yenidən qruplaşmadan sonra Palmiranı ələ keçirməyə yeni təşəbbüs göstərib. Məlumatda qeyd olunur: “Canlı qüvvədə və texnikada böyük itkilərə baxmayaraq, terrorçular maksimal şəkildə yaxınlaşmağa və şəhərin içində möhkəmlənməyə can atırlar, çünki Rusiya HKQ aviasiyası Palmiranın yaşayış məhəllələrinə zərbə endirmir”.

Rusiya hərbi mütəxəssislərinin inandırdığı kimi, İŞİD ABŞ-ın başçılıq etdiyi beynəlxalq koalisiyanın son həftə ərzində fəal hərbi əməliyyatları dayandırdığdı Rakka rayonundan Palmiraya xeyli qüvvə atıb.

Bundan başqa, İŞİD-in ən böyük ehtiyatları və zirehli texnikası Deyr-əz-Zor rayonundan qədim şəhərə gətirilib.

Eyni zamanda hələ əvvəlcədən Rakka və Deyr-əz-Zor rayonuna İŞİD-in İraq paytaxtı, Qərb koalisiyasının dəstəklədiyi yerli qüvvələr tərəfindən mühasirəyə alınmış Mosuldan 5 minədək yaraqlı gəlib.

Məlumatda qeyd olunur: “Suriya ordusu müdafiə döyüşləri aparır”.

İnsan haqları üzrə Suriya rəsədxanası” müxalifət təşkilatı öz növbəsində iddia edir ki, yaraqlılar keçən gecə ərzində, demək olar, bütün Palmiranı nəzarətə götürüblər, eyni zamanda hökumət qüvvələri şəhərin cənubunda və qərb civarı boyunca çox böyük hərbi birləşmələr cəmləşdirir.

Müxalif fəalların məlumatına görə, Suriya aviasiyası gecə və gündüz şəhərin şimali-qərb və şimali şərqindən müntəzəm zərbələr endirib.

The Wall Street Journal nəşri dəqiqləşdirir ki, İŞİD-in Palmiraya hücumu hələ cümə axşamı başlanıb, hücumun əsas hədəfi isə Suriya ordusunun şəhərin cənub kənarındakı silah anbarları olub. WSJ İŞİD-in informasiya resurslarına istinadən yazır ki, yaraqlılar hökumətin şəhər ətrafında nəzarət etdiyi ərazilərin içinə doğru irəlilədikcə Suriya hərbçiləri öz anbarlarını partlatmağa başlayıb ki, düşmən əlinə keçməsinin qabağını alsın, özləri isə təhlükəsiz məsafəyə çəkilib.   

WSJ davam edir: yaraqlıların artıq şənbə günü Palmiraya girib küçə döyüşləri apardığı haqda fəalların məlumatına baxmayaraq, islamçıların özləri açıqlamalarında bildirirlər ki, yalnız şəhərin ətrafındakı ərazilərin bir hissəsini ələ keçiriblər.

İŞİD-in bəyanatında deyilir ki, yaraqlılar 260-adək Suriya hərbçisini öldürüb, 14 tank, 16 top, qranatatan və iki raket platforması ələ keçiriblər.

Bazar günü səhər Rusiya Müdadfiə Nazirliyində bildirilib ki, Suriya ordusu Rusiya HKQ-nin fəal dəstəyi ilə Palmiraya hücumu dəf edib. Rusiya təyyarələri gecə ərzində yaraqlılara 64 hava zərbəsi endirərək 300-dən çox yaraqlı, 11 tank və PDM, irikalibrli pulemyotla təchiz edilmiş 31 avtomobili məhv edib.

Nazirliyin məlumatında qeyd olunub: “Hücum edən yaraqlılar partladıcı bərkidilmiş avromobil və kamikadze, zirehli texnika və reaktiv artilleriyadan istifadə ediblər”.

Suriyanın SANA hökumət agentliyi bazar günü iddia edib ki, ordu  Palmira civarında İŞİD-in hücumunu dəf edib və şəhər ətrafındakı hakim yüksəkliklər uğrunda toqquşmalar davam edir.

WSJ yekun vurur: Palmira ətrafındakı hərbi əməliyyatlar altıillik vətəndaş müharibəsinin zəiflətdiyi Suriya ordusunun öz müttəfiqlərindən – Livanın Hizbulla şiə yığması və Rusiya hərbçilərindən güclü asılılığını nümayiş etdirib.

Palmira 2015-ci il mayın ortalarından İŞİD-in nəzarətində idi. Suriya ordusu bir ildən sonra Rusiya aviasiyasının dəstəyi ilə iki həftə ərzində – 13-27 mart – yaraqlıları şəhərdən vurub çıxartmışdı. Palmiranın azad edilməsində Rusiya Xüsusi əməliyyyat qüvvələri və özəl hərbi şirkətlərin könüllüləri iştirak etmişdi.

 

Tərcümə Strateq.az-ındır.