XƏBƏR LENTİ

23 Oktyabr 2020
22 Oktyabr 2020

Digər Xəbərlər

18 Oktyabr 2016 - 16:01

“KQB”nin bərpa ediləcəyi xəbəri təkzib edildi –Prezidenti Administrasiyasının keçmiş rəhbərindən açıqlama

ivanov-2

Rusiya Prezidenti Administrasiyasının keçmiş rəhbəri Sergey İvanov Rusiyada Dövlət Təhlükəsizliyi Nazirliyinin (DTN) yaradılması haqda məlumatları təkzib edib.

Strateq.az Sputnikə istinadla xəbər verir ki, "Komsomolskaya Pravda" qəzetinə müsahibəsində İvanov belə planın olmadığını deyib.

Əvvəl KİV-də Rusiyanın güc strukturlarında irimiqyaslı islahatların başlanılmasının planlaşdırıldığını bildirilirdi. Ehtimal olunurdu ki, Rusiya Federasiyası Təhlükəsizlik Xidməti, həmçinin Federal Mühafizə Xidməti və xarici kəşfiyyat idarələrinin bazasında Dövlət Təhlükəsizliyi Nazirliyi yaradıla bilər.

"Bu, yüz faiz saxta məlumatdır! Heç bir Dövlət Təhlükəsizliyi Nazirliyi nəzərdə tutulmayıb və bu, olmayacaq. Bunu inamla deyə bilərəm. Bu məlumatlar klassik saxtakarlıqdır – kimsə nəsə uydurur, sonra isə onu uzun müddət şərh edirlər", – deyə İvanov "Komsomolskaya Pravda" qəzetinə müsahibəsində bildirib.

O, əlavə edib ki, oxşar qurumun yaradılmasına zərurət yoxdur: "Ölkədə olan güc strukturları kifayət edir. Kəşfiyyat əks-kəşfiyyatdan ayrılmalıdır. Federal Təhlükəsizlik Xidməti və Milli Qvardiya müxtəlif güc strukturlarıdır və onların fərqli vəzifələri var. Onların vahid super-nazirliyə çevrilməsinə zərurət görmürəm. Əksinə, ancaq mənfi məqamlar görürəm. Bir daha təkrar edirəm, bu, saxta məlumatdır".

Qeyd edək ki, Sergey İvanov Prezident Administrasiyasının rəhbəri vəzifəsindən bu ilin avqust ayında azad edilib. İndi o, Vladimir Putinin ətraf mühitin qorunması, ekologiya və nəqliyyat məsələləri üzrə xüsusi nümayəndəsi vəzifəsini icra edir.