XƏBƏR LENTİ

31 Oktyabr 2020
30 Oktyabr 2020

Digər Xəbərlər

18 Oktyabr 2016 - 18:03

Monteneqro prezidenti:"Azərbaycanın qlobal nüfuzu çox yüksək səviyyəyə qalxıb"

mm

Monteneqro prezidenti Filip Vuyanoviç Azərbaycan prezidenti İlham Əliyevi Azərbaycanın müstəqilliyinin bərpasının 25-ci ildönümü münasibəti ilə təbrik edib.

F. Vuyanoviçin məktubunda deyilir:

“Hörmətli cənab prezident, Azərbaycan Respublikasının müstəqilliyinin bərpasının 25-ci ildönümü münasibətilə sizə səmimi təbriklərimi çatdırıram. Xalqınızın tərəqqisi naminə Azərbaycana davamlı inkişaf arzu edirəm. Həqiqətən də tarixi baxımdan qısa bir müddətdə – 25 il ərzində Azərbaycan bütün sahələrdə, o cümlədən iqtisadiyyatın inkişafı, sosial sabitlik və vətəndaşlarının rifahının yüksəldilməsi sahələrində heyrətamiz nəticələr əldə edib. Eyni zamanda, ölkənizin qlobal nüfuzu çox yüksək səviyyəyə qalxıb, Azərbaycan dünyada sabitlik amilinə çevrilib, azadlıq və sülh yolunda irəliləyən dövlətlər arasında böyük nüfuza malikdir.

Hörmətli cənab prezident, şübhəsizdir ki, bu müsbət nəticələri ötən illər ərzində şəxsən sizin həyata keçirdiyiniz siyasət sayəsində əldə etmək mümkün olub. Bu xoş fürsətdən istifadə edərək, ölkələrimiz arasında əməkdaşlığın hər bir sahədə yüksək səviyyədə olduğunu vurğulamaq istərdim. Əminəm ki, ölkələrimiz və xalqlarımız arasında əməkdaşlıq növbəti illərdə də inkişaf edəcək. Möhtərəm Prezident, sizə möhkəm cansağlığı, ailə səadəti və ali dövləti fəaliyyətinizdə uğurlar arzulayıram. Dərin ehtiramımı qəbul etməyinizi xahiş edirəm”.

İ.Əliyevi Azərbaycanın müstəqilliyinin bərpasının 25-ci ildönümü münasibəti ilə həmçinin Rusiya Federasiyası Dağıstan Respublikasının başçısı Ramazan Abdulatipov, Dövlətlərarası Aviasiya Komitəsinin sədri Tatyana Anodina və MDB Parlamentlərarası Assambleya Şurasının baş katibi Aleksey Sergeyev təbrik ediblər.  (APA)