XƏBƏR LENTİ

22 Sentyabr 2020
21 Sentyabr 2020

Digər Xəbərlər

23 Oktyabr 2016 - 18:02

KİV:"Türkiyə hərbi qüvvələri İŞİD-in Başika qəsəbəsindəki mövqelərinə artilleriya zərbəsi endirir"

top

 Türkiyənin İraqın Mosul şəhəri yaxınlığındakı Başika düşərgəsindəki hərbi birləşmələri kürd peşmərgələrə artilleriya dəstəyi verir.

Bu gün səhər saatlarında Şimali İraq Kürdüstan Muxtariyyətinə bağlı peşmərgə qüvvələri Başika qəsəbəsinin azad edilməsi üçün əməliyyata başlayıb.

Peşmərgə qüvvələrinin komandanlığının xahişi ilə Türkiyə hərbi birləşmələri düşərgənin yaxınlığında yerləşən Başika qəsəbəsindəki İŞİD terrorçularının mövqelərinə artilleriya zərbələri endirir.

Qeyd edək ki, Başika düşərgəsi ilə bağlı Türkiyə və İraq arasında mübahisə yaşanmaqdadır. İraq Türkiyənin Başika düşərgəsindən hərbçilərini çıxarmasını tələb edib, bununla bağlı BMT-yə də şikayət edib. Türkiyə isə İŞİD-ə qarşı peşmərgələrə və Mosuldan olan könüllülərə təlim keçən hərbçilərini Başikadan çıxarmayacağını bəyan edib. Eyni zamanda Ankara Türkiyənin Mosul əməliyyatında  iştirak edəcəyini və danışıqlar masasında yer alacağını bildirib.   (APA)