XƏBƏR LENTİ

20 Oktyabr 2020
19 Oktyabr 2020

Digər Xəbərlər

03 Noyabr 2016 - 15:06

Minsk Qrupunun Fransadan olan yeni həmsədri vəzifəsinə başlayıb

minsk-fr

ATƏT-in Minsk qrupunun yeni fransalı həmsədri Stefan Viskonti artıq vəzifəsinin icrasına başlayıb.

 Bu barədə APA-ya Fransa Xarici İşlər Nazirliyindən məlumat verilib.  Nazirlikdən bildirilib ki, yeni həmsədr digər həmkarları ilə birlikdə ATƏT-ə üzv ölkələrin xarici işlər nazirlərinin dekabrın əvvəlində Hamburqda keçiriləcək görüşünə qatılacaq. ATƏT ölkələri xarici işlər nazirləri Şurasının Hamburq toplantısında həmsədrlərin Azərbaycan və Ermənistan xarici işlər nazirləri ilə görüşləri planlaşdırılır. Həmsədrlər Azərbaycan və Ermənistan xarici işlər nazirlərinin görüşünü təşkil etməyi də nəzərdə tuturlar. Görüşlərdə Azərbaycan və Ermənistan prezidentlərinin görüşünün təşkili əsas müzakirə mövzusu olacaq.

 Xatırladaq ki, yeni həmsədr bu vəzifədə Pyer Andryunu əvəz edib.

 Dağlıq Qarabağ münaqişəsinin müasir mərhələsi 1988-ci ildə Ermənistan SSR-in Azərbaycan SSR-ə qarşı ərazi iddiaları əsasında başlayıb.