XƏBƏR LENTİ

03 Dekabr 2020

Digər Xəbərlər

08 Noyabr 2016 - 19:02

Səlim Müslümovun qəbul günü dəyişdi –Yeni tarix

selim-yeni

Əmək və əhalinin sosial müdafiəsi naziri Səlim Müslümovun Qusar rayonunda keçirəcəyi vətəndaşları qəbul gününün tarixi dəyişdirilərək, noyabrın 11-dən noyabrın 18-nə keçirilib.

Nazirliyin ictimaiyyətlə əlaqələr şöbəsindən verilən məlumata görə, S.Müslümov həmin gün saat 10:00-da Qusar rayonunda Heydər Əliyev Mərkəzində bu rayonun və Quba, Xaçmaz, Şabran, Siyəzən rayonlarının sakinlərini fərdi qaydada qəbul edəcək.

Vətəndaşlar Əmək və Əhalinin Sosial Müdafiəsi Nazirliyinin 142 – “Çağrı mərkəzi”nə, nazirliyin qəbul otağına və ya nazirlik yanında Dövlət Sosial Müdafiə Fondunun aidiyyəti rayon şöbələrinə müraciət edərək qəbula yazıla bilərlər.

Qəbul zamanı Əmək və Əhalinin Sosial Müdafiəsi Nazirliyinin səlahiyyət dairəsinə aid məsələlərlə (əmək hüquqlarının müdafiəsi, sosial müdafiə, tibbi-sosial ekspertiza və əlillərin reabilitasiyası, pensiya təyinatı, sosial sığorta, məşğulluğun təminatı və s.) əlaqədar müraciətlərin araşdırılaraq cavablandırılması və müvafiq tədbirlərin görülməsi təmin olunacaq.