XƏBƏR LENTİ

10 Mart 2021

Digər Xəbərlər

17 Noyabr 2016 - 13:14

Birol:"Qonşularından fərqli olaraq, Türkiyə..."

birol

"Türkiyə və onun qonşuluğundan yerləşən ölkələrin bərpa olunan enerji sahəsində çox böyük potensialı mövcuddur. Lakin Türkiyədən fərqli olaraq, qonşu ölkələr potensialından istifadə edə bilmir".

Bunu Beynəlxalq Enerji Agentliyinin (BEA) icraçı direktoru Fatih Birol bildirib.
Onun sözlərinə görə, Türkiyə peşəkarlığı və texnoloji üstünlüyü sayəsində bərpa olunan enerji baxımından regionun lideri ola bilər. F. Birol qlobal enerji bazarında bərpa olunan enerjinin payının getdikcə artacağını proqnozlaşdıraraq, bu növ enerjinin istehsalına çəkilən xərclərin azalacağını bildirib.

İcraçı direktor əlavə edib ki, Türkiyənin bərpa olunan enerji mənbələri sahəsində bir sıra nəhəng layihələri dəstəkləməsi son dərəcə önəmlidir: "Düşünürəm ki, bu, Türkiyəni liderə çevirəcək. Bu baxımdan dominant olan Almaniya artıq qonşuluqdakı ölkələrə texnologiyaları ilə birgə, öz təcrübəsini də ixrac edir. Türkiyə də bu cür imkandan yararlanmalıdır. Türkiyənin liderliyi olduqca önəmlidir".

O bildirib ki, statistikaya əsasən 2040-cı ilədək dünyada enerji istehsalının 60%-nin bərpa olunan enerji mənbələrindən əldə olunacağı gözlənilir.  (APA)