XƏBƏR LENTİ

24 Oktyabr 2020
23 Oktyabr 2020

Digər Xəbərlər

27 Noyabr 2016 - 23:12

Gürcüstanın baş naziri Georgi Kvirikaşvili:"Azərbaycanla münasibətlərimiz strateji əhəmiyyətlidir"

gurcu-bas-nazir

Gürcüstanın yeni baş naziri Georgi Kvirikaşvili ölkədə mühüm islahatların keçiriləcəyinə söz verib.

O, 4 il ərzində Gürcüstanda vergi, pensiya və hüquq-mühafizə orqanlarında islahatların keçiriləcəyini bildirib.

Yeni baş nazir qeyd edib ki, hökumətin "Azadlıq, sürətli inkişafı və əmin-amanlıq" proqramı məqsədyönlü və realdır. Kvirikaşvili regional münasibətlərin əhəmiyyəti haqqında da danışıb.

O, ölkəsinin Azərbaycan və Türkiyə ilə münasibətlərini strateji əhəmiyyətli adlandırıb. Bununla yanaşı, Rusiya ilə də münasibətlərin əhəmiyyətli olduğunu bildirib. Lakin Kvirikaşvili Gürcüstanın ərazi bütövlüyü və müstəqilliyi ilə bağlı məsələdə heç bir güzəştin olmayacağını deyib.

Qeyd edək ki, Gürcüstan prezidenti Georgi Marqvelaşvili ötən gün parlamentin etimad göstərdiyi Georgi Kvirikaşvilinin ölkənin baş naziri təyin olunması barədə fərman imzalayıb.  (Report)