XƏBƏR LENTİ

25 Noyabr 2020

Digər Xəbərlər

02 Dekabr 2016 - 10:57

AMEA-dan akademikin vəfatı ilə bağlı –Açıqlama

AMEA

Azərbaycan Milli Elmlər Akademiyası (AMEA) akademik Nizami Süleymanovun vəfati ilə bağlı başsağlığı yayıb.

AMEA-dan Strateq.az-a verilən məlumata görə, başsağlığında Azərbaycan elminə ağır itki üz verdiyi bildirilib:

"Azərbaycanda texnika elmləri sahəsində mühüm xidmətləri olan görkəmli alim, Azərbaycan Milli Yaradıcılıq Akademiyasının prezidenti, AMEA-nın müxbir üzvü Nizami Süleymanov dekabrın 2-də 71 yaşında vəfat edib.

N.Süleymanov 1945-ci il noyabrın 25-də Əlibayramlı rayonunun Rəncbər kəndində anadan olmuşdur. O, Azərbaycan Politexnik İnstitutunu bitirib. Alim ilk dəfə olaraq standart volframlı poladları tamamilə əvəz edə bilən, yeni volframsız alət poladları işləyib hazırlamış və bu elmi yeniliklər istehsalata tətbiq edilib. Standart və yeni tip poladlarda legirlənmə və mikrolegirlənmə sisteminin işlənməsi nəticəsində onların tərkibində yüksək dispersliliyə malik olan struktur almağa imkan verən yeni termiki emal texnologiyası işlənib hazırlanıb.

N.Süleymanov "İstiliyə dözümlü və konstruksiya poladlarının yeni üsullarla möhkəmləndirilməsinin tədqiqi və işlənib hazırlanması” mövzusunda namizədlik, "Alətlərin yüksək davamlılığını təmin edən yeni qənaətlə leqirləşmiş volframsız alət poladlarının və onların effektiv üsullarla möhkəmləndirilməsi üsullarının işlənib hazırlanması və maşınqayırmada tətbiqi” mövzusunda doktorluq dissertasiyalarını müdafiə edib. 1989-cu ildə maşınqayırma ixtisası üzrə AMEA-nın müxbir üzvü seçilib.

Alim 300-dən çox elmi və publisistik əsərin, o cümlədən 61 müəlliflik şəhadətnaməsi və patentin müəllifidir. Onun elmi əsərlərinin 252‐si xaricdə çap olunub.

Gənc kadrların hazırlanması işinə də böyük diqqət yetirən N.Süleymanovun rəhbərliyi ilə 16 fəlsəfə doktoru, 6 elmlər doktoru müdafiə edib".