XƏBƏR LENTİ

15 Avqust 2020
14 Avqust 2020

Digər Xəbərlər

25 Yanvar 2017 - 09:52

DİN:"İnsan Alverinə qarşı Mübarizə Baş İdarəsinin rəisi vəzifəsini Samir Zeynalov icra edir"

İ.A. mübarizə

Azərbaycan Daxili İşlər Nazirliyinin (DİN) İnsan Alverinə qarşı Mübarizə Baş İdarəsinin rəisi vəzifəsi bu idarənin rəis müavini Samir Zeynalova tapşırılıb.

Bu barədə DİN-in mətbuat xidmətinin rəhbəri vəzifəsini icra edən Ehsan Zahidov məlumat verib.

S.Zeynalov 1980-ci ildə anadan olub. 2000-ci ildə Azərbaycan Respublikası Daxili İşlər Nazirliyinin Polis Akademiyasını fərqlənmə diplomu ilə bitirib, 1996-cı ildən daxili işlər orqanlarında xidməti fəaliyyətə başlayıb. 2015-ci ilin yanvar ayının 21-də Daxili İşlər Nazirliyinin İnsan Alverinə qarşı Mübarizə Baş İdarəsinin rəis müavini vəzifəsinə təyin edilib. Daxili işlər orqanlarında fəaliyyətindəki uğurlu nəticələrinə görə, dövlət mükafatına, DİN-in “Qüsursuz xidmətə görə” 3 və 2-ci dərəcəli medallarına, digər müxtəlif mükafatlara layiq görülüb.

Qeyd edək ki, daxili işlər naziri, general-polkovnik Ramil Usubovun imzaladığı əmrə əsasən, DİN-in İnsan Alverinə qarşı Mübarizə Baş İdarəsinin rəisi, polis general-mayoru Şərif Əsədullayev xidmətdə olmanın son yaş həddi ilə əlaqədar təqaüdə göndərilib.

O, 1955-ci ildə anadan olub. Azərbaycan Respublikası Prezidentinin 2014-cü il 1 iyul tarixli 597 nömrəli sərəncamı ilə polis general-mayoru ali xüsusi rütbəsi verilib.   (Report)