XƏBƏR LENTİ

24 Oktyabr 2020
23 Oktyabr 2020

Digər Xəbərlər

31 Yanvar 2017 - 00:02

Azərbaycanlı Talıbov Rusiya iqtisadi inkişaf nazirinin müavini təyin edilib

azer talibov

Rusiyada azərbaycanlı nazir müavini təyin edilib.

Rusiya baş naziri Dimitri Medvedyev soydaşımız  Azər Talıbovu iqtisadi inkişaf nazirinin müavini təyin edib. Rusiya baş nazirinin bununla bağlı müvafiq sərəncamı bu gün hökumətin rəsmi saytında dərc olunub. 

"Talıbov Azər Mütəllim oğlunun Rusiya Federasiyası iqtisadi inkişaf nazirinin müavini təyin edilsin", = deyə sənəddə qeyd olunub.  Azər Talıbov bu vəzifəyə təyin olunana qədər Rusiya Mərkəzi Bankının sədri Nabibulinanın köməkçisi olub. Daha sonra öz istəyi ilə işdən çıxıb. İqtisadi İnkişaf Nazirliyində isə həmyerlimiz bu vəzifədən yenicə getmiş İqor Revanı əvəz edəcək.

Azər Talıbov 1979-cu il 10 fevral tarixində Moskva şəhərində doğulub. 2002-ci ildə Moskva Dövlət Beynəlxalq Əlaqələr İnstitutda magistr dərəcəsi alıb. 2002-ci ildən 2008-ci ilədək İqtisadi İnkişaf və Ticarət Nazirliyində müxtəlif vəzifələrdə çalışıb. 2008-ci ildən 2012-ci ilədək iqtisadi inkişaf nazirinin köməkçisi işləyib. 2012-ci ilin iyununda Rusiya prezidentinin köməkçisi aparatının rəhbəri vəzifəsinə təyin olunub. O, bu vəzifədə 2013-cü ilin iyul ayına qədər çalışıb. Ondan sonra isə Rusiya Mərkəzi Bankının sədrinin katibliyinin rəhbəri təyin olunub.

Həmyerlimiz Rusiya prezidenti tərəfindən "II dərəcəli Vətən qarşısında xidmətlərinə görə" ordeni ilə təltif olunub.