XƏBƏR LENTİ

29 Noyabr 2020
28 Noyabr 2020

Digər Xəbərlər

22 Mart 2017 - 12:10

Türkiyə XİN PKK-nın Hollandiyadakı nümayişlərinə dairbəyanat yayıb

T.C Dışişleri Bakanlığı

"Hollandiyada Novruz şənlikləri adı altında keçirilən nümayişlərdə PKK rəmzləri və terrorçu liderin şəkillərinin dalğalandırılması bu ölkənin hakimiyyət orqanlarının Türkiyəyə qarşı qərəzli və dost olmayan münasibətinin növbəti təzahürüdür". Bu barədə Haaqa və Amsterdamda keçirilən PKK nümayişlərinə dair Türkiyə XİN-in yaydığı bəyanatda deyilir.

Bildirilir ki, Türkiyədə keçiriləcək referendumu hədəf alan terror təşkilatına Hollandiyada nümayişlər keçirməyə icazə verilməsi qəbuledilməzdir:

“Türkiyə hakimiyyət nümayəndələrinin bu ölkədə yaşayan türk icması üzvləri ilə görüşünün qarşısının alınması, diplomatik və konsulluq münasibətlərinə aid konvensiyaların, toplaşma və söz azadlıqların pozulması fonunda Hollandiyanın bu addımı xüsusilə qəbuledilməzdir”.

Bəyanatda o da bildirilib ki, Hollandiyanın bu addımı nəinki Türkiyəyə qarşı ikili standartlar siyasətin növbəti nümayişi, həmçinin bəşəri dəyərləri təhrifi təcrübəsinin təəssüf doğuran nümunəsidir.  (APA)