XƏBƏR LENTİ

21 Oktyabr 2020
20 Oktyabr 2020

Digər Xəbərlər

25 Aprel 2017 - 00:55

Deputatlar daha 36 qanuna dəyişiklik edəcək –SİYAHI

Bu gün Azərbaycan Respublikası Milli Məclisinin növbəti plenar iclasında 36 məsələ müzakirə olunacaq.

Strateq.az Milli Məclisə istinadən bildirir ki, aprelin 25-də keçiriləcək iclasda "Azərbaycan Respublikası Hökuməti ilə Türkiyə Respublikası Hökuməti arasında hərbi maliyyə əməkdaşlığı haqqında” Sazişin təsdiq edilməsi barədə qanun layihəsinə baxılacaq.

Daha sonra "Azərbaycan Respublikasının Miqrasiya Məcəlləsində dəyişikliklər edilməsi haqqında” Azərbaycan Respublikasının 2015-ci il 29 may tarixli 1295-IVQD nömrəli Qanununda dəyişiklik edilməsi barədə qanun layihəsi müzakirə ediləcək.

Azərbaycan Respublikasının 2005-ci il 28 iyun tarixli 960-IIQ nömrəli Qanunu ilə təsdiq edilmiş "Azərbaycan Respublikasının ərazisində dövriyyəsi qadağan edilmiş, məhdudlaşdırılmış və nəzarət edilən narkotik vasitələrin, psixotrop maddələrin, habelə Azərbaycan Respublikasının ərazisində idxalına, ixracına, tranzit nəql edilməsinə və istehsalına lisenziya tələb olunan prekursorların siyahıları”nda, Azərbaycan Respublikasının 2005-ci il 28 iyun tarixli 961-IIQ nömrəli Qanunu ilə təsdiqlənmiş "Şəxsin cinayət məsuliyyətinə cəlb edilməsi üçün kifayət edən narkotik vasitələrin və psixotrop maddələrin miqdarına, habelə onların külli miqdarına görə siyahıları”nda və Azərbaycan Respublikasının 2009-cu il 4 dekabr tarixli 930-IIIQ nömrəli Qanunu ilə təsdiq olunmuş "Miqrasiya orqanlarında qulluq keçmə haqqında Əsasnamə”yə dəyişikliklər edilməsi barədə qanun layihələri nəzərdən keçiriləcək.

Deputatlar "Vətəndaşların müraciətləri haqqında”, "Dövlət qulluğu haqqında”, "Məhkəmələr və hakimlər haqqında”, "Yol hərəkəti haqqında”, "Ədliyyə orqanlarında qulluq keçmə haqqında”, "Müflisləşmə və iflas haqqında”, "Daşınmaz əmlakın dövlət reyestri haqqında”, "Dövlət rüsumu haqqında”, "Yol hərəkəti haqqında”, "Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında”, "Azərbaycan Respublikası Mərkəzi Bankı haqqında”, "Valyuta tənzimi haqqında”, "Dövlət rüsumu haqqında”, "Lisenziyalar və icazələr haqqında”, "Daşınmaz əmlakın dövlət reyestri haqqında”, "Dərman vasitələri haqqında”, "Mülki dövriyyədə olmasına yol verilməyən (mülki dövriyyədən çıxarılmış) əşyaların siyahısı haqqında” və "Mülki dövriyyənin müəyyən iştirakçılarına mənsub ola bilən və dövriyyədə olmasına xüsusi icazə əsasında yol verilən (mülki dövriyyəsi məhdudlaşdırılmış) əşyaların siyahısı haqqında” qanunlarda dəyişikliklər edilməsi barədə qanun layihələrinə də baxacaqlar. Bundan başqa, "Daşınar əmlakın yüklülüyü haqqında” qanun layihəsi barədə müzakirə aparılacaq.

İclasda, həmçinin Əmək, İnzibati Xətalar, Mənzil, Cinayət, Mülki, Vergi və Gömrük məcəllələrində dəyişiklik edilməsi haqqında qanun layihələrinə baxılacaq.