XƏBƏR LENTİ

02 Oktyabr 2020
01 Oktyabr 2020

Digər Xəbərlər

02 May 2017 - 16:12

Məmmədyarov BMT-nin Azərbaycandakı rezident əlaqələndiricisini qəbul etdi –Müzakirə + FOTO

Azərbaycan xarici işlər naziri Elmar Məmmədyarov Birləşmiş Millətlər Təşkilatının (BMT) Azərbaycandakı rezident əlaqələndiricisi və BMT-nin İnkişaf Proqramının rezident nümayəndəsi Qulam İsakzaini qəbul edib.

Strateq.az XİN-ə istinadən bildirir ki, Q.İsakzai bu il Azərbaycanın BMT-yə üzvlüyünün 25-ci ildönümünün qeyd edildiyini bildirərək, ötən müddət ərzində Azərbaycan və BMT arasında əlaqələrin yüksək inkişaf səviyyəsinin məmnunluq doğurduğunu diqqətə çatdırıb.

E. Məmmədyarov isə müstəqilliyimizin ilk illərindən BMT-nin Azərbaycana dəstəyinin, Ermənistanın Azərbaycana təcavüzü nəticəsində Azərbaycanın üzləşdiyi humanitar problemlərin nəticələrinin aradan qaldırılmasında BMT-nin müvafiq strukturlarının rolunun və BMT-nin əsas orqanları və ixtisaslaşmış təşkilatları ilə qurulmuş məhsuldar əlaqələrin yüksək qiymətləndirildiyini vurğulayıb.

Görüş əsnasında UNDP-nin Azərbaycan ofisinin fəaliyyəti və Azərbaycan tərəfindən Davamlı İnkişaf Məqsədlərinin həyata keçirilməsi məsələləri üzrə fikir mübadiləsi aparılıb.