XƏBƏR LENTİ

10 Mart 2021

Digər Xəbərlər

15 May 2017 - 21:50

Prezident Qətərlə Anlaşma Memorandumunu təsdiqlədi –Fərman

Azərbaycan prezidenti İlham Əliyev Azərbaycan hökuməti ilə Qətər hökuməti arasında mədəniyyət sahəsində əməkdaşlıq haqqında Anlaşma Memorandumunun təsdiq edilməsi barədə fərman imzalayıb.

Strateq.az xəbər verir ki, Mədəniyyət və Turizm Nazirliyinə memorandumun müddəalarının həyata keçirilməsini təmin etmək, Xarici İşlər Nazirliyinə isə sənədin qüvvəyə minməsi üçün zəruri olan dövlətdaxili prosedurların yerinə yetirildiyi barədə Qətər hökumətinə bildiriş göndərmək tapşırılıb.

Qeyd edək ki, Azərbaycan hökuməti ilə Qətər hökuməti arasında mədəniyyət sahəsində əməkdaşlıq haqqında Anlaşma Memorandumu 2017-ci il fevralın 27-də Doha şəhərində imzalanıb.

Dövlət başçısının digər fərmanı ilə Azərbaycan hökuməti ilə Qətər hökuməti arasında gənclər və idman sahələrində əməkdaşlıq haqqında Anlaşma Memorandumu təsdiq edilib.