XƏBƏR LENTİ

10 Mart 2021

Digər Xəbərlər

23 May 2017 - 19:31

Müdafiə Nazirliyi ilə Beynəlxalq Qızıl Xaç Komitəsinin birgə seminarı keçirilib –Məqsəd (FOTO)

Müdafiə Nazirliyi ilə Beynəlxalq Qızıl Xaç Komitəsinin (BQXK) Azərbaycandakı nümayəndəliyi arasında 2017-ci il üçün əməkdaşlıq fəaliyyəti çərçivəsində bu gün beynəlxalq humanitar hüquq mövzusunda seminar keçirilib.

Starteq.az Müdafiə Nazirliyinə istinadən xəbər verir ki, seminarın məqsədi iştirakçıları müharibə gedən ölkələrdə müvafiq qanunvericilik və normalarla tanış etmək, eyni zamanda, hərbi əməliyyatlar zamanı davranış, mülki əhalinin təhlükəsizliyi, yaralı və xəstələrin beynəlxalq hüquq normaları çərçivəsində qorunması, hərbi münaqişədən zərər çəkmiş dinc sakinlərə dəstək vermək və onların qarşılaşdığı mövcud problemlərin həlli barədə fikir mübadiləsinin aparılmasından ibarət olub.

Tədbirdə BQXK ilə Azərbaycan hökuməti, eləcə də Müdafiə Nazirliyi arasındakı qarşılıqlı əməkdaşlıq əlaqələrindən danışılıb, qurumun cəbhəboyu zonada həyata keçirdiyi layihələr, onların icra mexanizmləri və digər məsələlərlə bağlı fikir mübadiləsi aparılıb.