XƏBƏR LENTİ

20 Oktyabr 2020
19 Oktyabr 2020

Digər Xəbərlər

12 İyun 2017 - 10:43

İnsan Alverinə qarşı Mübarizə Baş İdarəsinin rəisi:“12 ildə Azərbaycanda 486 insan alverçisi məsuliyyətə cəlb edilib”

Son 12 ildə Azərbaycanda 486 insan alverçisi məsuliyyətə cəlb edilib.

Bunu Daxili İşlər Nazirliyinin (DİN) İnsan Alverinə qarşı Mübarizə Baş İdarəsinin rəisi Heydər Heydərov bu gün “Azərbaycanda insan alverinə qarşı mübarizə üzrə potensialın artırılması” layihəsinin açılış mərasimində deyib.

H.Heydərov bildirib ki, 2005-cu ildə Azərbaycanda insan alverinə qarşı mübarizə üzrə qanun qəbul edilib. Onun sözlərinə göə, Azərbaycanda il ərzində törədilən cinayətlərin bir faizdən azı insan alveri cinayətinin payına düşür: “2015-ci ildə 26 min 916 cinayət işindən yalnız 128-i insan alveri cinayətidir. Bu rəqəm isə bir faizdən azdır. 12 ildən artıq bir müddətdə insan alveri ilə bağlı 1078 cinayət işi araşdırılıb. Bu müddətdə 486 insan alverçisi cinayətkarı məsuliyyətə cəlb edilib. 761 insan alveri qurbanı müəyyən edilərək cəmiyyətə inteqrasiya edilib".