XƏBƏR LENTİ

10 Mart 2021

Digər Xəbərlər

20 İyun 2017 - 16:09

ANAMA-dan partlayışda yaralanan iki əməkdaşı haqda açıqlama:"Həyatlarına hər hansı təhlükə yoxdur"

Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) iki əməkdaşının Türkiyədə mina partlaması nəticəsində yaralanması barədə açıqlama yayıb.

Strateq.az Agentliyə istinadən bildirir ki, ANAMA Türkiyədə minatəmizləmə işləri aparan “MECHEM” şirkəti ilə bağlanmış müqaviləyə əsasən Türkiyə-İran sərhədində minatəmizləmə əməliyyatları yerinə yetirir:

"19 aprel 2017-ci il tarixdən etibarən indiyə qədər əməliyyatlar zamanı ANAMA-nın mütəxəssisləri tərəfindən minlərlə mina aşkarlanaraq zərərsizləşdirilib.

20 iyun 2017-ci il tarixdə səhər saat 07:15 radələrində əməliyyat zamanı mina atəşi baş verib və hadisə zamanı agentliyin iki nəfər əməkdaşı Həzi Aslanov və Ruslan Qasımov yüngül bədən xəsarətləri alıb, xəstəxanaya aparılıb və onlara ilkin tibbi yardım göstərilib. Hazırda onların həyat və sağlamlıqları üçün hər hansı təhlükə yoxdur".