XƏBƏR LENTİ

20 Oktyabr 2020

Digər Xəbərlər

17 İyul 2017 - 12:51

Abşeron İcra Hakimiyyəti nümayəndələrinə atəş açan şəxs saxlanılıb –DİN


Abşeronda icra hakimiyyətinin nümayəndələrinə atəş açan şəxs saxlanılıb.

DİN-in saytının verdiyi məlumata görə, iyulun 14-də Abşeron rayonunun Novxanı qəsəbəsində Rayon İcra Hakimiyyətinin qanunsuz tikililərlə mübarizə komissiyasının üzvləri qəsəbə sakini Etibar Novruzovun evinin qarşısındakı qanunsuz tikilini sökmək istəyərkən E. Novruzovun atası, Sumqayıt şəhər sakini, əvvəllər məhkum olunmuş Eldar Novruzov xuliqanlıq zəminində tapançadan havaya 3 dəfə atəş açıb.

Eldar Novruzov Abşeron RPİ-nin əməkdaşları tərəfindən tutulub və ondan "Makarov" markalı tapança, 4 ədəd patron və 3 ədəd giliz götürülüb.

Faktla əlaqədar cinayət işi başlanılıb.