XƏBƏR LENTİ

29 Sentyabr 2020

Digər Xəbərlər

28 İyul 2017 - 19:42

İçərişəhərdə söküntü aparılan ərazidə avtomat və tapança patronları tapıldı –FOTO

Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) mütəxəssisləri Fövqəladə Hallar Nazirliyinin Böhran Vəziyyətlərində İdarəetmə mərkəzinin məlumatına əsasən, Bakının Səbail rayonunda İçərişəhər, 1-ci Qəsr döngəsi 58 ünvanında söküntü aparılan əraziyə baxış keçiriblər.

ANAMA-dan bildiriblər ki, baxış zamanı tikintinin qalıqları altından müxtəlif çaplı 59 patron (9 ədəd 7,62 millimetrlik LPS, 5 ədəd 9 millimetrlik “Naqan” markalı tapança patronu və 45 ədəd 11 millimetrlik “Smith & Wesson Revolver” markalı tapança patronu) aşkarlanaraq götürülüb. Nəticədə 35 kvadratmetr ərazi yoxlanılıb.

Agentlik tərəfindən yanvarın 1–dən iyulun 28-dək 5849 partlamamış hərbi sursat, tank əleyhinə 194, piyada əleyhinə 31 mina aşkarlanaraq zərərsizləşdirilib. Cəmi 4 milyon 694 min 727 kvadratmetr ərazi yoxlanılıb.