XƏBƏR LENTİ

08 Avqust 2020
07 Avqust 2020

Digər Xəbərlər

29 Sentyabr 2017 - 23:10

XİN-nin Qarabağla bağlı “qara siyahısı”nda nə qədər adam var? –Minsk Qrupuna üzv ölkələrinin vətəndaşları çoxluqdadır

ATƏT-in Minsk qrupunun həmsədri olan ölkələrin 267 vətəndaşının adı Azərbaycan Xarici İşlər Nazirliyinin arzuolunmaz şəxslər siyahısına salınıb.

Xarici İşlər Nazirliyi işğal altındakı ərazilərə qanunsuz səfər etmiş əcnəbilərin adlarını arzuolunmaz şəxslər siyahısına salır, onların Azərbaycana səfərini yasaqlayır. Novator.az bildirir ki, 2017-ci ilin sentyabr ayının 27-də yenilənmiş qara siyahıda 694 nəfərin adı var. İl başlayandan siyahıya 71 nəfərin adı əlavə olunub. Ötən ilin sonunda siyahıda 623 nəfərin adı vardı.

Hazırda ATƏT-in Minsk qrupunun həmsədri olan Rusiyanın 175, Amerika Birləşmiş Ştatlarının 50, Fransanın 42 vətəndaşının adı Xarici İşlər Nazirliyinin qara siyahısındadır. Bu o deməkdir ki, Azərbaycan Xarici İşlər Nazirliyinin qara siyahısında olan şəxslərin 40 faizə yaxını həmsədr ölkələrin vətəndaşlarından ibarətdir. Azərbaycanın Dağlıq Qarabağ bölgəsi, eləcə də Laçın, Kəlbəcər, Ağdam, Füzuli, Cəbrayıl, Qubadlı, Zəngilan rayonları Ermənistanın işğalı altındadır. Dağlıq Qarabağ münaqişəsinin dinc yolla tənzimləməsi üçün 1992-ci ildə yaradılan Minsk qrupunun 11 üzvü var: Rusiya, Fransa, ABŞ, Belarus, Almaniya, İtaliya, İsveç, Finlandiya, Türkiyə, Ermənistan, Azərbaycan.

1994-cü ildə həmsədrlik institutu yaradılıb. Hazırda quruma Rusiyadan İqor Popov, ABŞ-dan Endrü Skofer, Fransadan Stefan Viskonti həmsədrlik edirlər.