XƏBƏR LENTİ

18 Yanvar 2021
17 Yanvar 2021

Digər Xəbərlər

03 Oktyabr 2017 - 20:06

Dağıstanın yeni başçısı qazaxdır –Putindən fərman  

Rusiya prezidenti Vladimir Putin Dağıstan Respublikasının rəhbəri Ramazan Abdulatipovun istefasını qəbul edib.

“RİA Novosti” bildirir ki, Dağıstan rəhbəri vəzifəsinin səlahiyyətlərinin icrası müvəqqəti olaraq Vladimir Vasilyevə həvalə olunub. V. Vasilyev bu vəzifəni yeni rəhbərin təyinatına qədər icra edəcək.

Yeri gəlmişkən, V.Putin V.Vasilyevlə görüşüb. Prezident görüşdə qeyd edib ki, Dağıstan Rusiyanın ən əhəmiyyətli regionlarından biridir. "Bu, çox gözəl respublikadır və o gözəllik  yalnız təbiətdə deyil, hər şeydən əvvəl, orada yaşayan insanlardadır", – deyə dövlət başçısı vurğulayıb.

"Bu illər ərzində Siz, necə deyərlər, ağır çəkili siyasətçi imici qazanmışınız. Siz – federal səviyyəli siyasətçisiniz  və mənim fikrimcə, bu gün respublikaya məhz belə insan lazımlıdır", – deyə Rusiya prezidenti əlavə edib.

Strateq.az bildirir ki, V. Vasilyev 1949-cu ildə Moskva vilayətinin Klin şəhərində anadan olub. Atası qazax, anası rusdur. Valideynləri Əli Asanbayev müəllim, Nadejda Vasilyeva uşaq bağçasında tərbiyəçi olub.

Dövlət Dumasının vitse-spikeri olan Vasilyev 2004-2011-ci illərdə Dumanın təhlükəsizlik üzrə komitəsinin sədri olub. 1999-2001-ci illərdə Təhlükəsizlik Şurasının katibinin müavini vəzifəsini tutub. Polis general-polkovnikidir.