XƏBƏR LENTİ

04 Dekabr 2020
03 Dekabr 2020

Digər Xəbərlər

02 Yanvar 2016 - 07:10

Bakı-Balakən qatarı yolda qaldı – Güclü qara görə

Azərbaycanda höküm sürən qarlı hava şəraiti dəmir yollarının işinə də təsir edib.

“Azərbaycan Dəmir Yolları” QSC-nin mətbuat xidmətinin rəhbəri Nadir Əzməmmədov trend.az-a bildirib ki, güclü qar səbəbindən Bakı-Balakən istiqaməti üzrə hərəkət edən qatar hazırda Qax rayonu ərazisində dayanıb.

N.Əzməmmədov bildirib ki, hazırda həmin ərazidə təmizlik işləri aparılır. Onun sozlərinə görə, Qax rayon İcra Hakimiyyətinə müraciət olunub ki, sərnişinlərin ünvana çatdırılması üçün nəqliyyat vasitəsi təmin etsin: “çünki yolun təmizlənməsi bir az vaxt aparacaq. Yağan qarın səviyyəsi 70-80 sm təşkil edir. Əslində qatar hərəkətini davam etdirə bilər, ancaq təhlükəsizlik baxımından biz özümüz qatarın hərəkətini dayandırmışıq”.

N.Əzməmmədov əlavə edib ki, digər istiqamətlərdə qatarların hərəkətində heç bir problem yoxdur.