XƏBƏR LENTİ

10 Mart 2021

Digər Xəbərlər

03 Yanvar 2016 - 07:46

Şimal rayonlarından gələn avtobuslar Bakıya gecikmə ilə çatır

“Güclü qara və yolların buz bağlamasına görə Azərbaycanın bölgələrindən, xüsusən də şimal rayonlarından Bakıya gələn avtobuslar paytaxta qrafikdə nəzərdə tutulan vaxtdan gec çatırlar”. 

Bunu “Report”a açıqlamasında Bakı Beynəlxalq Avtovağzal Kompleksinin növbə rəisi Məhəmməd Abdullayev deyib.

O qeyd edib ki, güclü qar Ağsu aşırımında müəyyən problemlər yaradıb və avtobus sürücülərinə həmin yolla getmək qadağan edilib. M.Abdullayevin sözlərinə görə, ölkənin şimal rayonlarına gedən avtobusların sürücüləri alternativ yolla hərəkət edirlər: “Hazırda həmin istiqamətə gedən sürücülər aşağı yoldan – Kürdəmir yolundan istifadə edirıər”.

Avtovağzal rəsmisi deyib ki, paytaxtdan rayonlara gedən avtobuslar yanvarın 3-də nəzərdə tutulan qrafiklə yola salınırlar və hazırda Bakı Beynəlxalq Avtovağzalında sıxlıq muşahidə edilmir. 
Qurum sözçüsü bayram günləri avtovağzalda müşahidə edilən sıxlıq və Lerik rayonuna gedən sərnişinlərin avtobus tapa bilməməsi ilə bağlı məsələlərə də aydınlıq gətirib: “Güclü qar yağdığına və yollarda hərəkət çətinləşdiyinə görə avtobusların rayonlardan Bakıya qayıtması gecikirdi. Ona görə də bayram vaxtı müəyyən yubanmalar olub. Lerik istiqamətinə gəlincə isə, həmin istiqamətə ümumiyyətlə reys həyata keçirmirik. Həmin rayona sərnişin daşınması ilə bəzi şəxslər məşğul olurlar. Bakı kəndlərində məskunlaşmış həmin şəxslərin sərnişindaşımağa icazələri yoxdur. Yəni onlar özləri qanunsuz sərnişindaşıma ilə məşğuldular. Bayram günlərində niyə işləmədiklərinin səbəblərini də bizə məlum deyil”.