XƏBƏR LENTİ

27 May 2020
26 May 2020

Digər Xəbərlər

24 Yanvar 2018 - 16:17

UEFA Millətlər Liqasının püşkü atılıb- Azərbaycan və Türkiyə millilərinin rəqibləri müəyyənləşib

İsveçrənin Lozanna şəhərində UEFA Millətlər Liqasının püşkatma mərasimi keçirilib.

"Report"un məlumatına görə, püşk nəticəsində Azərbaycan milli komandasının rəqibləri müəyyənləşib. 

Qurban Qurbanovun baş məşqçi olduğu komanda D Liqasında 3-cü qrupa düşüb. Rəqiblər isə Farer adaları, Malta və Kosovodur. Artıq fevralın 2-də Azərbaycan və Kosovo yığmaları arasında Türkiyənin Antalya bölgəsində yoldaşlıq görüşü keçiriləcək.  

B Liqasında yer alan Türkiyə 2-ci qrupda Rusiya və İsveçə, A Liqasındakı Almaniya isə Fransa və Hollandiyaya rəqib olub. 


Qeyd edək ki, ilk turun oyunları 6 – 8 sentyabrda, növbəti turlar isə 9 – 11 sentyabrda, 11 – 13 oktyabrda, 14 – 16 oktyabrda, 15 – 17 noyabrda və 18 – 20 noyabrda olacaq. 

Püşkatmanın nəticələri: 

A Liqası

1-ci qrup: Almaniya, Fransa, Hollandiya

2-ci qrup: Belçika, İsveçrə, İslandiya

3-cü qrup: Portuqaliya, İtaliya, Polşa

4-cü qrup: İspaniya, İngiltərə, Xorvatiya

B Liqası

1-ci qrup: Slovakiya, Ukrayna, Çexiya

2-ci qrup: Rusiya, İsveç, Türkiyə

3-cü qrup: Avstriya, Bosniya və Herseqovina, Şimali İrlandiya

4-cü qrup: Uels, İrlandiya, Danimarka

C Liqası

1-ci qrup: Şotlandiya, Albaniya, İsrail

2-ci qrup: Macarıstan, Yunanıstan, Finlandiya, Estoniya

3-cü qrup: Sloveniya, Norveç, Bolqarıstan, Kipr

4-cü qrup: Rumıniya, Serbiya, Monteneqro, Litva

D Liqası 

1-ci qrup: Gürcüstan, Latviya, Qazaxıstan, Andorra 

2-ci qrup: Belarus, Lüksemburq, Moldova, San Marino,

3-cü qrup: Azərbaycan, Farer adaları, Malta, Kosovo

4-cü qrup: Makedoniya, Ermənistan, Lixtenşteyn, Cəbəllütariq 

İsveçrənin Lozanna şəhərində UEFA Millətlər Liqasının püşkatma mərasimi başlayıb.

"Report"un məlumatına görə, tarixdə ilk dəfə keçiriləcək turnirdə Azərbaycan D Liqasında təmsil olunacaq. 

Qurban Qurbanovun baş məşqçi olduğu milli komanda bu liqada ən yüksək reytinqli komandaların yer aldığı birinci səbətdə yer alıb. 

Qeyd edək ki, püşkatma mərasimində Azərbaycanı AFFA-nın baş katibi Elxan Məmmədov, milli komandanın baş məşqçisi Qurban Qurbanov və AFFA-nın Mətbuat və İctimaiyyətlə əlaqələr şöbəsinin müdiri Firuz Abdulla təmsil edir.