Azərbaycan Ordusunun yaradılmasının 100 illiyi ilə bağlı iyunun 26-da Azadlıq meydanında hərbi parad keçirilməsi planlaşdırlır.

Strateq.az bildirir ki, bu barədə Azərbaycan Müdafiə Sənayesi Nazirliyinin yaydığı açıqlamadan məlum olub. Belə ki, bu gün keçirilmiş kollegiya iclasında görüləcək işlər barədə danışılarkən qeyd edilib ki,  ötən ilin analoji dövrü ilə müqayisədə ixrac olunan məhsulun həcmi iki dəfə artıb. MSN müəssisələrində müdafiə təyinatlı məhsulların çeşidləri 1200 növə çatdırılıb.

“Müdafiə Sənayesi Nazirliyinin yeni texnikalar iyunun 26-da Bakıda keçiriləcək Azərbaycan Ordusunun yaradılmasının 100 illik yubileyinə həsr olunmuş hərbi paradda da nümayiş olunacaq”-deyə açıqlamada vurğulanıb.

Azərbaycanda sonuncu hərbi parad 2013-cü ildə keçirilib.