XƏBƏR LENTİ

18 Sentyabr 2020

Digər Xəbərlər

21 Sentyabr 2018 - 12:55

Binəli Yıldırım Miili Məclisdə çıxış etdi:“Mən özümü bakılı kimi hiss edirəm...”

 

 Türkiyə Böyük Millət Məclisinin sədri Binəli Yıldırım Azərbaycan parlamentinin 100 illiyi ilə əlaqədar keçirilən bugünkü iclasda çıxış edib. Parlament sədri çıxışı zamanı Azərbaycan dilində danışıb.

Modern.az-ın məlumatına görə, Türkiyə Böyük Millət Məclisinin sədri Binəli Yıldırım Azərbaycan dilində çıxış edərək bildirib ki, “azadlığımız, gələcəyimiz, əmin amanlığımız bir-birinə bağlıdı”.

“Birlikdə ağlayar, birlikdə gülərik. Ümidlərimiz, xəyallarımız və ideallarımız eynidir. Eyni dildə danışırıq, fikirlərimiz eyni nöqtələrdə birləşir. Azərbaycanda soyuq olsa, biz üşüyərik. Azərbaycana soyuq dəysə, biz xəstələnərik. Biz əcnəbi dövlətlərin adlarını sayanda Azərbaycanı o kateqoriyaya daxil etmərik. Çünki Türkiyə Azərbaycandır, Azərbaycan isə Türkiyə“.

Türkiyəli spiker bildirib ki, TBMM-nə İzmirdən deputat seçilib: “İzmir Bakı ilə qardaşlaşmış şəhərdir.  Qardaşlıq hüququna dayanaraq mən özümü bakılı kimi hiss edirəm. Həmçinin Azərbaycanı öz vətənim kimi qəbul edirəm”.

Türkiyə Böyük Millət Məclisinin sədri çıxışında Azərbaycan Xalq Cümhuriyyətinin qurulmasına öndərlik və rəhbərlik etmiş Məhəmməd Əmin Rəsulzadə başda olmaqla, Azərbaycan dövlətinin istiqlalı və istiqbalı üçün əməyi keçən hər bir kəsə minnətdarlığını bildirib.