XƏBƏR LENTİ

23 Noyabr 2020

Digər Xəbərlər

27 Sentyabr 2018 - 15:59

Elmar Məmmədyarov Qabriela Kuevas Barronla görüşüb –Amerikada müzakirə

ABŞ-ın Nyu-York şəhərində xarici işlər naziri Elmar Məmmədyarov Parlamentlərarası İttifaqın prezidenti Qabriela Kuevas Barron ilə görüşüb.

Strateq.az XİN-ə istinadən bildirir ki, görüşdə tərəflər Azərbaycanla Parlamentlərarası İttifaq arasındakı münasibətlərin cari səviyyəsini yüksək qiymətləndiriblər və 2018-ci ilin dekabr ayında Bakıda keçiriləcək Gənc Parlamentarilərin V qlobal konfransının əməkdaşlığın daha da inkişafına təkan verəcəyinə əminliklərini ifadə ediblər.

Həmçinin tərəflər Bakı Beynəlxalq Humanitar Forumunun fikir mübadiləsi və müzakirələr aparmaq baxımından əhəmiyyətini vurğulayıblar. Görüş zamanı gündəlikdə olan bir sıra qarşılıqlı maraq doğuran məsələlər ətrafında fikir mübadiləsi aparılıb.