XƏBƏR LENTİ

07 Avqust 2020
06 Avqust 2020

Digər Xəbərlər

15 Oktyabr 2018 - 12:27

Rusiyaya qarşı yeni sanksiyalar işə düşür –Kəşfiyyat məmurları Avropaya buraxılmayacaq, hesabları dondurulacaq

Rusiyanı yeni sanksiyalar gözləyir. “The Telegraph” qəzeti yazır ki, bu, rusiyalı keçmiş kəşfiyyatçı Sergey Skripal və qızı Yuliyanın İngiltərənin Solsberi şəhərində “Noviçok” maddəsi ilə zəhərlənmələri ilə bağlıdır.

Avropa Birliyi xarici işlər nazirliyinin artıq bazar ertəsi müvafiq sənəd imzalayacağı gözlənir. Yeni sanksiyalar Rusiya kəşfiyyatının məmurlarını nəzərdə tutur. Onların bank hesabları dondurulacaq və Avropa Birliyinə buraxılmayacaqlar. Sanksiya təşəbbüsü Suriya və İngiltərədəki kimyəvi hücumlardan sonra Böyük Britaniya ilə Fransadan gəlib.

Böyük Britaniyanın xarici işlər nazirliyi qeyd edib ki, yeni sanksiyalar kimyəvi silahdan istifadə edən istənilən ölkənin vətəndaşlarına da şamil ediləcək. London hesab edir ki, Skripal və qızı Yuliyanın zəhərlənməsinə görə birbaşa Rusiya cavabdehlik daşıyır.

Britaniya bu yaxınlarda bəyan edbi ki, bu hücumu qondarılmış Aleksandr Petrov və Ruslan Başirov adlı adamlar törədiblər. Araşdırmaçı “Bellingcat” qrupu isə iddia edir ki, onların əsil adları Aleksandr Mişkin və Anatoli Çepigadır. Kreml isə ittihamları rədd edir.

Britaniyanın xüsusi xidməti sentyabrın sonlarında isə Skripalın zəhərlənməsind əli olan 3-cü rusiyalının aşkar edildiyini bəyan edib. Onun Rusiya hərbi kəşfiyyat xidmətinin zabiti olduğu bildirilir. Məlumata görə, həmin adam həmkarları zəhərli maddəni İngiltərəyə aparmazdan əvvəl Solsberidə olub.

Keçmiş rusiyalı casus Sergey Skripal və Yuliya martın 4-də Solsberidə oturacaqda huşsuz vəziyyətdə tapılmışdılar. Amma uzun müalicə və möcüzə nəticəsində sonda özlərinə gələ bildilər.

(Azadlıq radiosu)