Badamdar-20-ci sahə şosesində sürüşmənin aktiv fazaya keçməsi uçqunların baş verməsi ilə müşayiət olunur.

Bu barədə AMEA nəzdində Respublika Seysmoloji Xidmət Mərkəzindən  Strateq.az-a verlən məlumata görə,  mərkəzin əməkdaşları bu gün ərazidə tədqiqat aparan zaman evlərdən birinin hasarı uçub.

Məlumatda bildirilib ki, oktyabrın 12-dən başlayaraq, RSMX-nin əməkdaşları ərazidə profillər üzrə bir neçə istiqamətdə tədqiqatlar aparırlar: “İlkin nəticələrə görə, sürüşmə prosesi hələlik aktiv fazada qalır və yeni uçqunların başvermə ehtimalı yüksəkdir. Aparılan işlərin nəticəsi ilə bağlı ictimaiyyətə əlavə məlumat veriləcək”.