XƏBƏR LENTİ

09 Avqust 2020
08 Avqust 2020

Digər Xəbərlər

25 Oktyabr 2018 - 17:35

“Qarabağ” ən az gəlir əldə edən klub olub –Çempionlar Liqasının qrup mərhələsində

UEFA 2017/2018 mövsümündə Çempionlar Liqasının (ÇL) pley-off və qrup mərhələsində çıxışına görə “Qarabağ” klubuna verəcəyi vəsaitin məbləğini açıqlayıb.

Qurumun rəsmi saytında verilən məlumata görə, Azərbaycan futbolu tarixində ilk dəfə qitənin ən nüfuzlu klub turnirinin qrup mərhələsində yer alan Ağdam təmsilçisinin gəliri 16 milyon 819 min avro təşkil edib.

2015 – 2018 kommersiya tsiklində gəlirlərin bölüşdürülmə sxeminə əsasən, ÇL-in qrup mərhələsinə vəsiqə qazanan bütün klublara 12,7 milyon avro ödənilib. “Qarabağ” İspaniya “Atletiko”su ilə həm evdə (0:0), həm də səfərdə (1:1) heç-heçə etməklə, əlavə 1 milyon avro götürüb.

Azərbaycan çempionuna marketinq gəlirlərindən 1 milyon 119 min avro ödənilib. Daha 2 milyon isə ÇL-in pley-off mərhələsindəki iştirakına görə verilib.

Bununla da, “Qarabağ” qrup mərhələsi iştirakçıları arasında ən az qazanc götürən klub olub. Ən çox gəliri isə yarışın qalibi olan İspaniyanın “Real Madrid” komandası əldə edib – 88 milyon 654 min avro.

Qeyd edək ki, “Qarabağ” qrup mərhələsində İngiltərənin “Çelsi” (0:6, 0:4) və İtaliyanın “Roma” (1:2, 0:1) komandalarına uduzub/Report.