XƏBƏR LENTİ

26 Oktyabr 2020

Digər Xəbərlər

16 Dekabr 2018 - 11:52

“Soyuq müharibə”…- Film Avropa Kino Akademiyasının baş mükafatını aldı

Polşa rejissoru Pavel Pavlikovskinin “Soyuq müharibə” (Zimna wojna) filmi Avropa Kino Akademiyasının (EFA) “Ən yaxşı Avropa filmi” nominasiyasında baş mükafat alıb.

TASS  xəbər verir ki, 31-ci mükafatlandırma mərasimi dekabrın 15-də Sevilyada keçirilib. Bu ekran əsərinə görə Pavlikovski, həmçinin ən yaxşı avropalı rejissor və ssenarist adına layiq görülüb. Filmin süjet xəttinin mərkəzində Qərblə sosializm düşərgəsi ölkələri qarşıdurması zamanı musiqiçi və müğənninin məhəbbət macərası dayanır.

Ən yaxşı Avropa filmi adına, habelə Əli Abbasinin “Dünyaların sərhədində” (Grans), Matteo Qarronenin “Doğman” (Dogman), Lukas Dontun “Qız” (Girl) və Aliçe Rorvaxerin “Xoşbəxt Lazar” (Lazzaro feliçe) filmləri də namizəd irəli sürülmüşdü.

Avropa Kino Akademiyasının mükafatı 1988-ci ildə təsis olunub/Azərtac.