XƏBƏR LENTİ

28 Noyabr 2020
27 Noyabr 2020

Digər Xəbərlər

07 Yanvar 2019 - 20:26

Fikrət Məmmədov ədliyyə işçiləri və məhkəmə hakimlərini topladı, tapşırıqlar verdi –Müşavirə

Ədliyyə naziri Fikrət Məmmədov bu gün Ağdaş rayonu Heydər Əliyev Mərkəzində Ağdaş, Yevlax və Ucar rayonlarından olan vətəndaşları qəbul edib.

Strateq.az nazirliyə istinadən bildirir ki, qəbul zamanı hər bir vətəndaş diqqətlə dinlənilib, müraciətlərdə qaldırılan məsələlərin bir qismi elə yerindəcə həllini tapıb. Digər müraciətlər üzrə Nazirliyin qəbulda iştirak edən aidiyyəti məsul işçilərinə müvafiq tapşırıqlar verilib.

Səfər zamanı ədliyyə naziri həmçinin yerli ədliyyə və məhkəmə orqanlarının fəaliyyəti və iş şəraiti ilə tanış olub, ədliyyə işçiləri və hakimlərlə müşavirə keçirib.

Dövlət başçısının ədliyyə və məhkəmə sisteminin inkişafına diqqət və qayğısından bəhs edən nazir Prezident İlham Əliyevin 2018-ci il 18 dekabr tarixli sərəncamı ilə təsdiq olunmuş “Azərbaycan ədliyyəsinin inkişafına dair 2019-2023-cü illər Dövlət Proqramı”nın ədliyyə və məhkəmə sistemi üçün “yol xəritəsi” olduğunu bildirib. Fikrət Məmmədov bu mühüm sənədin işin müasirləşdirilməsi məqsədilə qanunvericiliyin təkmilləşdirilməsi, innovativ texnologiyaların və elektron sistemlərin geniş tətbiqi, şəffaflığın artırılması və digər prioritetləri müəyyən etdiyini vurğulayıb, bununla bağlı qarşıda duran vəzifələri diqqətə çatdırıb.

Eyni zamanda ölkə rəhbərinin qanunvericilik təşəbbüsü ilə 2018-ci il dekabrın 28-də qəbul edilmiş Mülki Prosessual Məcəllədə və “Məhkəmələr və hakimlər haqqında” Qanunda əsaslı dəyişikliklər barədə yeni qanunların məhkəmə fəaliyyətinin təkmilləşdirilməsinə, işin səmərəliliyinin və keyfiyyətinin artırılmasına, iş yükünün azaldılmasına, “elektron məhkəmə” sistemi geniş tətbiq olunmaqla işlərə daha operativ baxılmasına xidmət etdiyi vurğulanıb, qanunvericiliyin yeni müddəalarının dərindən öyrənilməsinin və düzgün tətbiqinin zəruriliyi qeyd olunub.

Müşavirədə həmçinin məmur-vətəndaş münasibətlərinin sağlam zəmində qurulması, insanlara layiqli xidmət göstərilməsi, etik davranış qaydalarına dönmədən əməl olunması, korrupsiyaya şərait yaradan halların yolverilməzliyi diqqətə çatdırılaraq tövsiyə və tapşırıqlar verilib.