İraq Xarici İşlər Nazirliyi Türkiyənin Bağdaddakı səfiri Fatih Yıldıza TSQ-nin PKK-nı hədəf alan əməliyyatlarına görə narahatlıq duyduqlarını bildirib.

Səfir görüş zamanı türk ordusunun məhz PKK-nın xain hücumundan sonra bu əməliyyatı gerçəkləşdirdiyini söyləyib.

Fatih Yıldız bildirib ki, İraq Türkiyəni təxribata çəkən PKK-ya qarşı lazımı tədbirləri görməlidir.

“Əgər İraq bunu edə bilməsə, Türkiyə PKK-ya qarşı əlindən gələni edəcək”, – səfir bildirib.

Qeyd edək ki, bir qədər əvvəl Türkiyənin İraqın şimalında yerləşən hərbi bazasına PKK tərəfindən hücum təşkil edilib. Türk ordusu cavab olaraq İraqın şimalındakı terrorçu hədəflərini bombalayıb. (Axar.az)