XƏBƏR LENTİ

27 May 2020
26 May 2020

Digər Xəbərlər

18 Fevral 2019 - 13:45

ABŞ dövlət katibinin nümayəndəsi Azərbaycana gələcək –Vaxt açıqlandı

ABŞ Dövlət katibinin köməkçisinin enerji məsələləri üzrə müavini xanım Sandra Oudkirk Azərbaycana səfər edəcək.

Strateq.az AZƏRTAC-a istinadən xəbər verir ki, S.Oudkirk fevralın 20-də Bakıda keçiriləcək Cənub Qaz Dəhlizi Məşvərət Şurası çərçivəsində nazirlərin beşinci toplantısında iştirak edəcək. İclasa Avropa Komissiyasının büdcə məsələləri və insan resursları üzrə komissarı Günter Ottinger, Böyük Britaniya Baş nazirinin Azərbaycan üzrə ticarət elçisi Baronessa Emma Nikolson, eləcə də layihə üzvü 7 ölkə, Balkan ölkələrinin yüksək səviyyəli hökumət nümayəndələri, iştirakçı şirkətlər və beynəlxalq maliyyə qurumlarının rəhbər şəxsləri qatılacaq.

Xatırladaq ki, Cənub Qaz Dəhlizinin Məşvərət Şurası çərçivəsində nazirlərin ilk toplantısı 2015-ci il fevralın 12-də, ikinci toplantı 2016-cı il fevralın 29-da, üçüncü toplantı 2017-ci il fevralın 23-də, dördüncü toplantı isə keçən il fevralın 15-də təşkil edilib.