XƏBƏR LENTİ

31 May 2020
30 May 2020

Digər Xəbərlər

10 May 2019 - 18:07

Bakı-Ələt-Qazax-Gürcüstan yolunun bir hissəsində hərəkət məhdudlaşdırılacaq –Təmir işləri ilə əlaqədar

Aparılan təmir işləri ilə əlaqədar olaraq Bakı – Ələt – Qazax – Gürcüstanla dövlət sərhədi avtomobil yolunun 115-120-ci km-lik hissəsində (Hacıqabul rayonu) avtonəqliyyat vasitələrinin hərəkəti qismən məhdudlaşdırılacaq.

Strateq.az  xəbər verir ki, bu barədə  Azərbaycan Avtomobil Yolları Dövlət Agentliyindən bildirilib.

Məlumata görə, hərəkətin məhdudlaşdırılması mayın 13-dən avtomagistralın Bakı şəhəri istiqaməti üzrə olan hissəsində tətbiq ediləcək. Təmir işləri müddətində hərəkət magistral yolun sözügedən hissənin əks istiqaməti üzrə ikitərəfli olaraq təmin olunacaq.

“Avtomagistralın sözügedən hissəsində hərəkətdə olarkən diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur”, – deyə məlumatda qeyd edilib.