XƏBƏR LENTİ

07 Avqust 2020
06 Avqust 2020

Digər Xəbərlər

05 Mart 2015 - 09:35

Qərib Məmmədovdan yeni xəbər

Bu gün Dövlət Torpaq və Xəritəçəkmə Komitəsinin ləğv olunmasından 1 ay keçir. Dövlət Komitəsinin ləğv edilməsi ilə sədr Qərib Məmmədov başda olmaqla yüzlərlə nəfər işsiz qalıb.

Ləğv edilən komitədən AzVision.az-a verilən məlumata görə, hazırda bütün kollektiv iş başındadır.

Bildirilib ki, sədr Qərib Məmmədov və işçilər prosedura uyğun olaraq yəni, Əmək Məcəlləsinin tələblərində göstərilən kimi işdən ayrılacaq.

“Bildiyiniz kimi işlərin aparılması üçün 2 aya yaxın vaxt verilib. Qanunvericilikdə tənzimlənən qaydada işlər aparılır. Kimlər saxlanılıbsa, onlar işində qalır və digərləri isə qanunvericiliyə uyğun olaraq işindən ayrılıb”.

Həmçinin qeyd edilib ki, Qərib Məmmədov əvvəlki qaydada işə gəlir.

Qeyd edək ki, ölkə başçısı İlham Əliyev fevralın 5-də Azərbaycan Respublikasının Dövlət Torpaq və Xəritəçəkmə Komitəsinin ləğv edilməsi haqqında fərman imzalayıb. Fərmana əsasən mülkiyyət hüquqlarının tənzimlənməsində vahid idarəçiliyi təmin etmək məqsədi ilə komitə ləğv edilib.

Komitənin səlahiyyətləri müvafiq olaraq Əmlak Məsələləri üzrə Dövlət Komitəsinə, Ekologiya və Təbii Sərvətlər nazirliyinə və Dövlət Sərhəd Xidmətinə verilib.