İsrailin Azərbaycandakı səfirliyinin fəaliyyəti bərpa edilib.

Bu barədə səfirliyin yaydığı məlumatda deyilir.

Bildirilib ki, İsrailin dünyadakı digər səfirlikləri kimi, Azərbaycandakı səfirliyi də bu gündən fəaliyyətini bərpa edib.

Xatırladaq ki, İsrailin Azərbaycandakı səfirliyi də daxil olmaqla, dünyadakı digər səfirlikləri bir neçə gün əvvəl tətil elan ediblər. Belə ki, bu ilin 21 iyulunda İsrail Maliyyə Nazirliyinin Baş direktoru tərəfindən imzalanan və on illiklərdir ki, mövcud olan protokolu dəyişdirən birtərəfli prosedurun tətbiq edilməsi səbəbindən səfirliklər müvəqqəti bağlanılıb. Hazırda İsrailin dünyanın 69 ölkəsində səfirliyi, 23 konsulluğu və beş xüsusi nümayəndəliyi var. İsrail hökuməti Xarici İşlər Nazirliyinin büdcəsini azaldaraq onlar üçün ildə təxminən 367 milyon dollar ayrılması barədə qərar qəbul edib.