XƏBƏR LENTİ

08 Dekabr 2019
07 Dekabr 2019

Digər Xəbərlər

02 Dekabr 2019 - 15:03

Azərbaycanda “Facebook” istifadəçilərinin fəallığı artıb- Rəqəmlər

Bu ilin noyabr ayında Azərbaycanda “Facebook” istifadəçilərinin fəallığı sentyabr ayı ilə müqayisədə 9,3 faiz bəndi artıb.

APA-Economics”in “Global Stats” statistika mərkəzinə istinadən verdiyi məlumata görə, dekabrın 1-nə “Facebook”un Azərbaycanın sosial media bazarında payı 52,6% təşkil edib ki, bu da ötən ilin müvafiq göstəricisindən 1,1 faiz bəndi çoxdur.

Populyarlığına görə “Facebook” ölkənin sosial media bazarında birinci yeri tutur.

Sosial şəbəkələr arasında populyarlığına görə ikinci yerdə “Twitter” qərarlaşıb ki, onun istifadəçilərinin ölkə üzrə fəallığı noyabr ayı ərzində 4 faiz bəndi azalıb. Bu sosial şəbəkənin Azərbaycan bazarında payı bu ilin dekabrın 1-nə 11,7% təşkil edib ki, bu da ötən ilin analoji göstəricisindən təqribən 4,6 faiz bəndi çoxdur.

Bu ilin noyabr ayı ərzində ölkə üzrə “Pinterest” şəbəkəsinin istifadəçilərinin fəallığı 3,8 faiz bəndi azalıb. Dekabrın 1-nə olan məlumata görə, “Pinterest” Azərbaycan sosial media bazarında 10,7% bazar payı ilə 3-cü yerdə qərarlaşıb ki, bu göstərici ötən ilin müvafiq dövrü ilə müqayisədə 3,4 faiz bəndi çoxdur.

Digər sosial şəbəkələrin pay bölgüsü belədir: “Instagram” – 10,1%, “YouTube” – 6,4%, “Google+” – 5,6%, “VKontakte” – 1,35% və s.