XƏBƏR LENTİ

24 Fevral 2020
23 Fevral 2020

Digər Xəbərlər

07 Fevral 2020 - 18:47

“Oqtay Gülalıyevi artıq ayaq üstə qaldırırlar” –Həyat yoldaşı

“Hüquq müdafiəçisi Oqtay Gülalıyevin səhhətində irəliləyişlər qeydə alınır. Əməliyyatdan sonra onun oyanıqlığı daha da artıb. Əllərini tərpətməsi, hərəkətləri artıb. Artıq son bir-iki gündür onu aparatlar vasitəsi ilə ayaq üstə qaldırırlar.”

Bu barədə hüquq müdafiəçisinin həyat yoldaşı Füruzə Gülalıyeva deyib.

Oqtay Gülalıyev 2019-cu il oktyabrın 29-da avtomobil vurduqdan sonra ağır kəllə-beyin travması alıb və komaya düşüb. Həkimlər beyinə qansızma diaqnozu qoyublar.

Oktyabrın 30-da o, beyindən gematomanın çıxarılması üzrə əməliyyat olunub.

Noyabrın 5-də birinci vitse-prezident Mehriban Əliyevanın tapşırığı ilə Heydər Əliyev Fondu hüquq müdafiəçisinin müalicəsi ilə bağlı məsələlərin həllini öz üzərinə götürüb.

Bundan sonra Oqtay Gülalıyev noyabrın 6-da Bakıdan AZAL-ın xüsusi ambulans təyyarəsi ilə Türkiyəyə aparılıb və İstanbul Avrasiya Xəstəxanasına yerləşdirilib.

Noyabrın 19-da hüquq müdafiəçisi İstanbulda yerləşən Amerika Xəstəxanasına (Amerikan Hastanesi) köçürülüb.

2019-cu il noyabrın 22-də və bu il yanvarın 10-da onun beynində yenidən neyrocərrahiyyə əməliyyatlarıı aparılıb.

Firuzə Gülalıyeva Amerikanın Səsinə deyib ki, hərəkətlərində irəliləyişlər olmasına baxmayraq Oqtay Gülalıyev hələ komadan tam ayılmayıb.

“Nitqində irəliləyiş yoxdur. Hələ danışmır. Əvvəllər oturdurdular. Amma indi aparatlar vasitəsi ilə ayaq üstə qaldırırlar. Həkimlər komadan nə vaxt ayılacağı ilə bağlı hələ bir söz demir. Həkimlərin gözləntilərində Oqtayın ayağa qalxması da yox idi. Oqtayın Azərbaycanda əməliyyatı həddən artıq çox geçikdirilib,” o qeyd edib. (Amerikanın Səsi)