XƏBƏR LENTİ

05 İyul 2020
04 İyul 2020

Digər Xəbərlər

11 Fevral 2020 - 09:53

“Hazırda yoluxucu xəstəliklər şöbəsində 1 nəfər qalıb” –İki qurum koronavirus təhlükəsi ilə bağlı açıqlama yaydı

Hazırda 1 saylı Kliniki Tibbi Mərkəzin yoluxucu xəstəliklər şöbəsində 1 nəfər qalıb.

Strateq.az xəbər verir ki, bu barədə Səhiyyə Nazirliyi və İcbari Tibbi Sığorta üzrə Dövlət Agentliyinin mətbuat xidmətlərinin yaydığı birgə məlumatda bildirilib.

Qeyd olunub ki, xəstəxanada qalan Azərbaycan vətəndaşıdır səhhətində ciddi problem yoxdur:

“Həkim müşahidələri davam edir. Bir daha qeyd edirik ki, bu adam Çinin koronavirus qeydə alınmayan şəhərində olub. Onun xəstə şəxslərlə əlaqəsi olmayıb.

Xəstəlik alovlanan ərazidən gələn 12 nəfər isə xüsusi ayrılan tibb müəssisəsində saxlanılır. Həmin tibb müəssisəsindən Səhiyyə Nazirliyinə verilən məlumata görə, Çinin Uhan şəhərindən yanvarın 29-u çıxan 6 nəfərin karantin müddəti fevralın 12-si bitir. Onların klinik vəziyyətlərində heç bir problem aşkarlanmayıb. Həkim müşahidələri davam edir. Sabah həmin şəxslərin evə buraxılacağı gözlənilir. Xüsusi ayrılmış tibb müəssisəsində saxlanılan digər 6 nəfərin karantin müddəti fevralın 14-də bitir, onların səhhətində də hər hansı bir problem aşkarlanmayıb. Karantin müddətinin sonunda onlar da evlərinə buraxılacaqlar”.