XƏBƏR LENTİ

10 İyul 2020
09 İyul 2020

Digər Xəbərlər

21 Fevral 2020 - 13:21

Koronavirus sözü Azərbaycan dilinin orfoqrafiya lüğətinə salınıb –Möhsün Nağısoylu

“Son günlər dünyada tüğyan edən yeni növ virusun – koronavirusun yayılması dilimizdə bu sözün istifadəsini artırıb”.

Bunu Azərbaycan Milli Elmlər Akademiyasının (AMEA) Dilçilik İnstitutunun direktoru, akademik Möhsün Nağısoylu deyib.

O bildirib ki, koronavirus Azərbaycan dilinə yeni daxil olan söz olduğuna görə yeni “Azərbaycan dilinin orfoqrafiya lüğəti”nə əlavə olunub:

“Koronavirus beynəlxalq ad və beynəlmiləl söz olduğuna görə biz bunu öz dilimizə tərcümə edə bilmədik. Çünki bu söz dünyada olduğu kimi qəbul edilib. Artıq koronavirus iki sözün birləşməsindən əmələ gələn mürəkkəb söz kimi yeni lüğətimizə də salınıb. Sadəcə olaraq, lüğətdə məna qeyd olunmadığına görə bu adın da mənası qeyd olunmayacaq”.

M.Nağısoylu xatırladıb ki, yeni “Azərbaycan dilinin orfoqrafiya lüğəti” mart ayında çapdan çıxacaq. (Report)