XƏBƏR LENTİ

20 Sentyabr 2020
19 Sentyabr 2020
18 Sentyabr 2020

Digər Xəbərlər

23 İyul 2020 - 20:04

Cəlilabad Rayon Mərkəzi Xəstəxanasına yeni baş həkim təyin olunub

Vüsal Abdullayev Cəlilabad Rayon Mərkəzi Xəstəxanasının Baş həkim vəzifəsinə təyinat alıb.

Bu barədə V.Abdullayev özü “Facebook” səhifəsində məlumat verib:

“Bir həftədir ki, Bakidakı işimdən-Mərkəzi Klinik Xəstəxanadan öz istəyimlə azad olundum. Buna səbəb Tibbi Ərazi Bölmələrini İdarəetmə Birliyi (TƏBİB) nəzdində fəaliyyət göstərən Cəlilabad Rayon Mərkəzi Xəstəxanasına baş həkim vəzifəsinə təyin olunmağımdır. İlk növbədə Mərkəzi Klinik Xəstəxananın rəhbərliyinə və həkim-personal yoldaşlarıma minnətdarlığımı bildirirəm. 

10 il ərzində sizinlə işləmək olduqca xoş idi. Yeni vəzifəmdə başlıca amalım, xalqıma xidməti Dövlətimiz və Ölkə Rəhbərliyimizin dəst-xətti ilə davam etdirmək və göstərilən böyük etimadı doğrultmaqdır. Bundan sonrakı həkimlik fəaliyyətimi Cəlilabad rayonunda davam etdirərək, regionumuzun səhiyyə sahəsinə öz tövhəmizi vermək, xəstəxanamızı peşəkar kadrlarla təmin etmək və gələcək kadrları doğru yetişdirmək istiqamətində olacaq”. 

TƏBİB-in mətbuat xidmətinin rəhbəri Rəvanə Əliyeva faktı APA-ya təsdiqləyib.