Bu gün Azərbaycan Premyer Liqasının XXVI turu daha iki görüşlə davam edir.

Azərtac xəbər verir ki, günün və turun mərkəzi görüşü Qəbələdə oynanılıb. Ötən mövsümün mükafatçıları olan “Qələbə” ilə “Qarabağ” üz-üzə gəlib. Qurban Qurbanovun yetirmələri mövsüm ərzində məğlub edə bilmədiyi “Qəbələ”yə səfərdə 2:1 hesabı ilə qalib gələrək turnir cədvəlində liderliyini daha da möhkəmlədib. Bu oyundan sonra komandalar arasında xal fərqi 16-ya çatib.

Matçda bütün qollar baş zərbəsi ilə vurulub. Ağdam təmsilçisi doqquzuncu dəqiqədə Migel Maderanın qolu ilə hesabda irəlı keçib. Səkkiz dəqiqə sonra Sergey Zenyov oyunda tarazlığı bərpa etsə də, “Qarabağ” 72-ci dəqiqədə Mahir Mədətovun vurduğu qolla yenidən irəli çıxıb.

Günün digər matçında “Neftçi” doğma meydanda “Kəpəz”i qəbul edəcək.