XƏBƏR LENTİ

31 Oktyabr 2020
30 Oktyabr 2020

Digər Xəbərlər

06 Oktyabr 2020 - 10:43

Türkiyəli ekspert:"Azərbaycan mükəmməl komanda ilə irəliləyir"

“Azərbaycan xalqı prezident İlham Əliyevin qərarlarının arxasında dayanıb, onu dəstəkləyərək işğal altında olan torpaqlarını geri alır. Qardaş ölkənin apardığı uğurlu hərbi əməliyyatlar belə bir nəticəni ortaya qoydu ki, bu torpaqlar diplomatiya masası qurulmadan azad edilməlidir”.

Bu fikirləri “Report”un yerli bürosuna açıqlamasında Türkiyə Prezidenti yanında Təhlükəsizlik və Xarici Siyasət Komitəsinin üzvü, keçmiş hərbi-pilot, Yeditepe Universitetinin Hüquq fakültəsinin professoru Mesut Hakkı Caşın deyib.

O, bildirib ki, Azərbaycan mükəmməl planlaşdırılmış komanda heyəti ilə irəli doğru hərəkət edir: “Tərəflər arasında tarazlığı dəyişdirən ən əhəmiyyətli məsələ isə Azərbaycan xalqındakı ruh yüksəkliyi, mübarizə əzmi və motivasiyadır. Səfərbərliyi ilk olaraq Ermənistan elan etsə də, ermənilər savaşmaq istəmirlər.

Azərbaycan Ordusu yaxşı təlim keçib və müasir silahlardan istifadə edir. Faktlar sübut edir ki, ermənilər hərbçilərini bölgədə qandallayaraq saxlayırlar. Digər tərəfdən, Ermənistan xüsusilə son günlər xeyli sayda hərbi texnika itirdi və bununla da daha çox zəiflədi.

Əminliklə deyə bilərəm ki, müharibənin nəticəsini müəyyən edən ən əhəmiyyətli göstərici ruh yüksəkliyidir və Azərbaycan Ordusu ruh yüksəkliyi ilə döyüşür”.

Ekspert xarici müdaxilələrə məhəl qoyulmadan mübarizənin sağlam şəkildə aparılmasının vacibliyinə diqqət çəkib: “Biz Fransa və digər ölkələrin yalan ittihamlarına qarşı getməliyik. Digər vacib məsələlərdən biri də bölgədə muzdlu terrorçuların yuva qurmasına imkan verilməməsidir”.