XƏBƏR LENTİ

08 Avqust 2020
07 Avqust 2020

Digər Xəbərlər

26 May 2015 - 04:30

Böyük Britaniya diplomatı Elmar Vəliyevlə görüşdü
Böyük Britaniyanın Azərbaycandakı səfirinin müavini Stefen MakKormik Gəncəyə səfər edib. Strateq.az APA-ya istinadla bildirir ki, Gəncə şəhər İcra Hakimiyyətinin başçısı Elmar Vəliyevlə görüşdə diplomata Azərbaycanın ikinci böyük şəhəri olan Gəncənin tarixi, mədəniyyəti, sənaye potensialı, şəhərdə aparılan abadlıq-quruculuq işləri haqda ətraflı məlumat verilib.

Böyük Britaniyanın Azərbaycandakı səfirinin müavini bildirib ki, rəhbərlik etdiyi nümayəndə heyəti Gəncədə iki gün səfərdə olacaq. Tanışlıq xarakteri daşıyan səfəri zamanı Stefen MakKormik Gəncə ilə bağlı öncədən məlumatlı olduğunu və bu qədim şəhəri gəzməkdən məmnunluğunu vurğulayıb.

Səfir müavini iqtisadiyyat sahəsi ilə bağlı layihələrdə birgə əməkdaşlığın əhəmiyyətinin vurğulayıb. Gəncə şəhərinin 2016-ci il üçün Avropanın Gənclər Paytaxtı seçilməsini müsbət qiymətləndirib və gələcəkdə britaniyalı gənclərin bu təcrübədən yararlanacaqlarına ümid etdiyini bildirib. Səfir müavini xatırladıb ki, Böyük Britaniya ilə Gəncə şəhəri həmçinin idman və arxeoloji sahədə də əməkdaşlıq edə bilər. Böyük Britaniyanın arxeologiya institutunun Gəncə şəhərində arxeoloji işlərə cəlb edilməsi yolları da nəzərdən keçiriləcək.